Wednesday, October 30, 2013

മുഖ്യമന്ത്രിക്ക് നേരെ നടന്ന അക്രമത്തിനെതിരെ ഖത്തറിലും വ്യാപക പ്രതിഷേധം

ദോഹ : ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസും ഇന്‍കാസും ഖത്തര്‍ കെഎംസിസിയും മുഖ്യമന്ത്രിക്ക് നേരെ കണ്ണൂരില്‍ ഉണ്ടായ ആക്രമണത്തിനെതിരെ ശക്തിയായ പ്രതിക്ഷേധം രേഖപ്പെടുത്തി.

സംസ്ഥാനത്ത് സിപിഎം മാര്‍ക്‌സിസ്റ്റ് ഭീകരതക്ക് ശ്രമിക്കുകയാണെന്ന് ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് പ്രസിടണ്ട് അഡ്വ. സി കെ മേനോന്‍, ജനറല്‍ സെക്രടറി ഷെരീഫ് എന്നിവര്‍ അഭിപ്രായപ്പെട്ടു. ഇത്തരം സമരാഭാസങ്ങള്‍ കൊണ്ട് ഉമ്മന്‍ ചാണ്ടിയെപ്പോലൊരു ജനകീയ നേതാവിനെ പൊതുജന മധ്യത്തില്‍ താറടിക്കാനവില്ലെന്ന് ഒഐസിസി നേതാക്കള്‍ പറഞ്ഞു.

ഉമ്മന്‍ ചാണ്ടിക്ക് നേരെ ഉണ്ടായ അക്രമത്തില്‍ ഖത്തറിലെ കോണ്ഗ്രസ് കൂട്ടായ്മയായ ഇന്‍കാസ് പ്രതിക്ഷേധിച്ചു. പ്രസിഡണ്ട് ജോപ്പച്ചന്‍ തെക്കേക്കൂറ്റിന്റെ അദ്ധ്യക്ഷതയില്‍ ദോഹയിലെ ഇന്‍കാസ് ആസ്ഥാനത്ത് നടന്ന പ്രതിക്ഷേധ യോഗത്തില്‍ നൂറുകണക്കിന് പ്രവര്‍ത്തകര്‍ പങ്കെടുത്തു.

കേരളത്തിന്റെ മുഖ്യമന്ത്രിക്ക് പോലും കണ്ണൂരില്‍ കടക്കാനാവില്ലെന്നാണ് സിപിഎം ലക്ഷ്യമിടുന്നതെങ്കില്‍ അത് അംഗീകരിക്കാനാവില്ലെന്ന് ഖത്തര്‍ കെഎംസിസി ആസ്ഥാനത്ത് നടന്ന പ്രതിക്ഷേധ യോഗം അഭിപ്രായപ്പെട്ടു.

1 comment:

മുഹമ്മദ്‌ സഗീര്‍ പണ്ടാരത്തില്‍ said...

മുഖ്യമന്ത്രിക്ക് നേരെ നടന്ന അക്രമത്തിനെതിരെ ഖത്തറിലും വ്യാപക പ്രതിഷേധം