Saturday, February 21, 2009

എ.സി. മിലാന്‍ ദോഹയില്‍



ദോഹ:ലോകത്തിലെ എട്ടു പ്രമുഖ ക്ലബുകളിലൊന്നായ എ.സി. മിലാന്‍ ദോഹയില്‍ ടെസ്റ്റിമോണിയല്‍ മാച്ചില്‍ കളിക്കുന്നു. അടുത്ത മാസം അല്‍സദ് സ്‌പോര്‍ട്‌സ് ക്ലബാണീ മത്സരം സംഘടിപ്പിക്കുന്നത്.

2002 ഡിസംബറില്‍ എ.സി.മിലാന്‍ ഖത്തറില്‍ സെലക്ട് ടീമായ ഖത്തര്‍ ഇലവനുമായി സൗഹൃദ മത്സരത്തില്‍ കളിച്ചിരുന്നു. മുന്‍ ഖത്തര്‍ കളിക്കാരനും ഇപ്പോള്‍ അല്‍സദ് ക്ലബിലെ കളിക്കാരനുമായ ജഫാല്‍ റാഷിദിന്റെ ആദരസൂചകമായാണീ മത്സരം സംഘടിപ്പിക്കുന്നത്.

മാര്‍ച്ച് നാലിന് ജാസ്സിംബിന്‍ ഹമദ് സ്റ്റേഡിയത്തിലാണ് മത്സരം നടക്കുക. ഏഴു മണിക്കാണ് കിക്കോഫ്. അല്‍സദ് ക്ലബ് വൈസ് പ്രസിഡന്റ് അബ്ദുല്‍ അസീസ് അല്‍ റബാന്‍ പറഞ്ഞു.
പ്രഗല്ഭ കളിക്കാരനായ ജഫാലിന്റെ ആദരപൂര്‍വകമായി എ.സി. മിലാനുമായി കളിക്കാന്‍ ലഭിക്കുന്ന ആദ്യത്തെ അവസരമാണിതെന്നദ്ദേഹം പറഞ്ഞു. അടുത്ത ആഴ്ച തന്നെ ടിക്കറ്റ് വില്പന തുടങ്ങും.

എ.സി.മിലാന്റെ കളിക്കാരെല്ലാം ദോഹയിലെത്തിക്കഴിഞ്ഞു. പോളോമാല്‍ദിനി, കാക, റൊണാള്‍ഡീന്യോ, ഫിലിപ്പോ ഇന്‍ഷാഗി, ക്ലാരന്‍സ് സീഡോര്‍ഫ് എന്നിവരാണ് കളിക്കാനെത്തുന്നത്. ഡേവിഡ് ബെക്കാമും കളിക്കാനെത്തും.

1 comment:

മുഹമ്മദ്‌ സഗീര്‍ പണ്ടാരത്തില്‍ said...

ലോകത്തിലെ എട്ടു പ്രമുഖ ക്ലബുകളിലൊന്നായ എ.സി. മിലാന്‍ ദോഹയില്‍ ടെസ്റ്റിമോണിയല്‍ മാച്ചില്‍ കളിക്കുന്നു. അടുത്ത മാസം അല്‍സദ് സ്‌പോര്‍ട്‌സ് ക്ലബാണീ മത്സരം സംഘടിപ്പിക്കുന്നത്.

2002 ഡിസംബറില്‍ എ.സി.മിലാന്‍ ഖത്തറില്‍ സെലക്ട് ടീമായ ഖത്തര്‍ ഇലവനുമായി സൗഹൃദ മത്സരത്തില്‍ കളിച്ചിരുന്നു. മുന്‍ ഖത്തര്‍ കളിക്കാരനും ഇപ്പോള്‍ അല്‍സദ് ക്ലബിലെ കളിക്കാരനുമായ ജഫാല്‍ റാഷിദിന്റെ ആദരസൂചകമായാണീ മത്സരം സംഘടിപ്പിക്കുന്നത്.