ദോഹ:എട്ടാമത് ദോഹ സാംസ്കാരികോത്സവം ഉപേക്ഷിച്ചു. കലാ സാംസ്കാരിക പൈതൃക മന്ത്രാലയമാണ് അസാധാരണമായ ഈ തീരുമാനമെടുത്തത്.
ഏപ്രില് 16 മുതല് 22 വരെ നീണ്ടു നില്ക്കുന്ന സാംസ്കാരികോത്സവത്തിന്റെ തയ്യാറെടുപ്പുകള് അവസാനഘട്ടത്തില് എത്തിയ സന്ദര്ഭത്തിലുണ്ടായ ഈ തീരുമാനം രാജ്യത്തെ സാംസ്കാരിക നേതാക്കളെ ദുഃഖത്തിലാഴ്ത്തി.
ജനുവരിയില് നടക്കേണ്ടിയിരുന്ന സാംസ്കാരികോത്സവം ഗസ്സയില് ഇസ്റാഈല് നടത്തിയ ആക്രമണത്തെ തുടര്ന്നാണ് ഏപ്രില് മാസത്തേക്ക് നീട്ടി വച്ചത്.
സാംസ്കാരികോത്സവം ഉപേക്ഷിച്ചേക്കുമെന്ന് ഏതാനും ദിവസങ്ങളായി ഖത്തറി മാധ്യമങ്ങള് സൂചിപ്പിച്ചിരുന്നു. കലാ സാംസ്കാരിക പൈതൃക മന്ത്രാലയവും ധനകാര്യമന്ത്രാലയവും തമ്മില് ഫണ്ടിനെ പറ്റിയുള്ള ഭിന്നതയാണ് ഇതിന് കാരണമായി ചൂണ്ടിക്കാണിക്കപ്പെടുന്നത്.
ഫണ്ട് ബജറ്റില് ഏതു സാമ്പത്തിക വര്ഷത്തില് ഉള്പ്പെടുത്തുമെന്ന കാര്യത്തിലാണ് തര്ക്കം ഉടലെടുത്തതെന്നാണ് അറബ് മാധ്യമങ്ങള് റിപ്പോര്ട്ടു ചെയ്യുന്നത്.
1 comment:
എട്ടാമത് ദോഹ സാംസ്കാരികോത്സവം ഉപേക്ഷിച്ചു. കലാ സാംസ്കാരിക പൈതൃക മന്ത്രാലയമാണ് അസാധാരണമായ ഈ തീരുമാനമെടുത്തത്.
Post a Comment